ການໃຊ້ Verb to be

ຫຼັກການນໍາໃຊ້ Verb to be

1.  ຖ້າເປັນກິລິຍາສໍາຄັນຂອງປະໂຫຍກ ມີຄວາມໝາຍວ່າ ເປັນ, ຢູ່, ຄື, ແມ່ນ
2.  ໃຊ້ວາງໄວ້ໜ້າຄໍາທີ່ເປັນ Adjective (ຄໍາຄຸນນາມ)
3.  ໃຊ້ເປັນກິລິຍາຊ່ວຍໃນໂຄງສ້າງຂອງປະໂຫຍກ Continuous (ປະໂຫຍກທີ່ມີກິລິຍາ ing)
4.  ໃຊ້ເປັນກິລິຍາຊ່ວຍໃນໂຄງສ້າງຂອງປະໂຫຍກ Passive Voice (ປະໂຫຍກທີ່ປະທານເປັນຜູ້ຖືກກະທໍາ)

• ໃຊ້ກັບປະທານໃນປະໂຫຍກ

ຄໍາວ່າ Verb to be ປະກອບມີຄື: is, am, are  ຊຶ່ງແຕ່ລະຄໍາດັ່ງກ່າວນີ້ແມ່ນໃຊ້ກັບປະທານທີ່ແຕກຕ່າງກັນດັ່ງລຸ່ມນີ້

1. ຖ້າປະທານເປັນເອກະພົດບຸຣຸດທີ 3 ຊຶ່ງໄດ້ແກ່ He She It ຫຼື ຊື່ຄົນຄົນດຽວ, ສັດຕົວດຽວ ແລະ ສິ່ງຂອງອັນດຽວທີ່ເຮົາເວົ້າເຖິງຕ້ອງໃຊ້ is ດັ່ງໂຄງສ້າງ ແລະ ປະໂຫຍກຕົວຢ່າງດັ່ງນີ້:

It is a banana.

My father is dancing on the stage.

The pen is new.

Atheuo is saleswoman.

She is in the toilet.

    2. ຖ້າປະທານເປັນເອກະພົດບຸຣຸດທີ 1 (ຜູ້ເວົ້າຄົນດຽວ) ຊຶ່ງໄດ້ແກ່ I ແລະຕ້ອງໄປກັບ am
ຕົວຢ່າງ: 

I am a driver.

I am in U.S.A now.

   3. ປະທານເປັນພະຫູພົດທຸກບຸຣຸດ ຊຶ່ງໄດ້ແກ່ We You They ຫຼື ຊື່ຄົນຫຼາຍຄົນ ສັດຫຼາຍຕົວ ແລະ ສິ່ງຂອງຫຼາຍອັນທີ່ຖືກເວົ້າ..........ທີ່ເຮົາໃຊ້ຄື are

ຕົວຢ່າງ:

We are doctors.

My father and I are in the bank.

They are businessmen.

You are very smart.

Somchan and his friends are in the zoo.

The singers are in the concert tonight.

• ການສ້າງປະໂຫຍກທີ່ມີ Verb to be ໃຫ້ເປັນປະໂຫຍກປະຕິເສດ ມີວິທີດັ່ງນີ້:

ໃຫ້ຕື່ມ not ລົງໄປໃນຕໍາແໜ່ງຕໍ່ຈາກ verb to be ຄືວາງໄວ້ຂ້າງຫຼັງຂອງ is, am, are ເຊັ່ນ:

We are not farmers.

Somphet is not watching the movie.

They are not in the room.

I am not a sister.

ໝາຍເຫດ: ເຮົາສາມາດຂຽນ verb to be ແບບຫຍໍ້ໃນຮູບແບບຂອງປະໂຫຍກປະຕິເສດໄດ້ັດັ່ງນີ້:

is not – isn’t (ອ່ານວ່າ ອິດເຊິນທ໌)

are not – aren’t (ອ່ານວ່າ ອາເຣິນທ໌)

ສ່ວນ am not ຈະບໍ່ຂຽນຫຍໍ້

• ການສ້າງປະໂຫຍກທີ່ມີ Verb to be ໃຫ້ເປັນປະໂຫຍກຄໍາຖາມ Yes No Question ມີວິທີດັ່ງນີ້:

-ໃຫ້ນໍາເອົາ Verb to be ມາວາງໄວ້ໜ້າປະໂຫຍກແລ້ວຂຽນຂື້ນຕົ້ນດ້ວຍຕົວພິມໃຫຍ່ ແລະເອົາປະທານຂອງປະໂຫຍກມາວາງຕໍ່ຈາກ Verb to be ຫຼັງຈົບປະໂຫຍກຕ້ອງໃຊ້ເຄື່ອງໝາຍຄໍາຖາມ (Question Mark) ເຊັ່ນ:

She is in the toilet. ປ່ຽນເປັນ Is she in the toilet?

They are workers. ປ່ຽນເປັນ Are they workers?

I am so late. ປ່ຽນເປັນ Am I late?

ສະຫຼຸບເປັນໂຄງສ້າງໄດ້ດັ່ງນີ້: